உன்னிடன் பழக

உன்னிடன் பழக
ஆரம்பித்திடாத போது வந்த
உன் பிறந்தநாளிற் கெல்லாம்
பரிசாக கணக்கு வைத்து
இருபத்தியி ரெண்டு முத்தம்
எனக்கு மட்டும் பத்தொன்பதுதானா.....


இராஜி

பொறுக்கி எடுத்து பொருத்த முடியாமல்

பொறுக்கி எடுத்து பொருத்த
முடியாமல் கிடக்கிறது
என் பாசத்திற்கு உன்
வெகுமானம் அவமானம் என்றால்
தாராளமாக தாங்கிக் கொள்கிறேன்
உன் மீது நான் கொண்ட
பாசத்திற்காக வாதாடுவது
அது உனக்கு விளையாட்டு
அது எனக்கு வலி அதற்காக
நான் உன்னோடு வழக்காட வரவில்லை.
உன்னால் மௌனித்து போன
மனசு மரணித்து கிடக்கிறது.
இனியும் சொல்ல ஏதும் இல்லை அண்ணா
மௌனத்தை தவிர இனியும் என்ன
இருக்கிறது நமக்கிடையில்???????

தீபா

உனக்காய்

உனக்காய் ஒரு கவிதை எழுத சொன்னாய்
யோசித்து யோசித்து கடைசியில்
உன் பெயர் எழுதித் தந்தேன்
பக்கம் பக்கமாய் உனக்காய் எழுதிய
கவிதைகளை படித்துவிட்டு
"யார நெனச்சு எழுதுன" என்று
கேட்கும் உன்னிடம் வேறு எதை
எழுதித் தருவது.....

இராஜவேல்

உன்னால்

வார்த்தைகள் கூட
இதயத்தை உடைக்கும் என்று
அறிந்துகொண்டேன்.........

white star

விதியின் வெற்றி...!

விலகி விலகிப் போனாலும்
விடுவதில்லை விதி..
எங்கோ இருந்த என்னையும்...
எங்கேயோ இருந்த உன்னையும்..
சேர்த்து வைத்து
வேண்டாம் என்றிருந்த
காதலையும் வேதமாய் மாற்றி வைத்து
பசி பறித்து....
உறக்கம் கலைத்து....
சிந்தை எங்கும் உன் நினைவு
பரப்பி
உன் மேல் பைத்தியமாய்
எனை மாற்றி விட்டு..
இன்று பார்த்துச் சிரிக்கிறது
"பார்த்தாயா வென்றுவிட்டேன்
நான்" என்று!!!!!!!!!!!!!!!!!!!
white star

உனக்காக

உனக்காக என்
வாழ்வின் இறுதி வரை
காத்திருக்கத் தயார்...
நீ வரமாட்டாய் என்று
நன்கு தெரிந்த
பிறகும்...
உனக்காக என்வாழ்வின் இறுதிவரை
காத்திருக்கத் தயார்....
white star

உயிர்

உருகுதே உயிர் உருகுதே
எனைத் திரும்பிப்
பார்க்கக் கூடாதா...
ஒரு தரம் விழி ஒரு தரம்
எனை விருப்பிப்
பார்க்கக் கூடாதா....
white star

இனியவனே

இனி நீயும் ஒரு இனிமையென
என் வாழ்வில் இணைந்தாய்
கண்களின் இமையோரங்களில்
கனவுகள் மீண்டும் ஒளிர
நீ மட்டுமே என் வாழ்வென
நீங்கிடாத பந்தமாய் தொடர
என்றும் வாழ்த்தும் அலை ஒசையே.